ბიზნესის რთულ სამყაროში მოლაპარაკებებს ძალიან დიდი მნიშვნელობა აქვს. მოლაპარაკება უდიდეს როლს თამაშობს ჩვენს კომუნიკაციაში: წარმატებულ მოლაპარაკებას არამხოლოდ პრობლემის მოგვარება და დაწინაურება, არამედ თავდაჯერებულობის გაზრდა და პროფესიული ურთიერთობების გაუმჯობესებაც მოჰყვება.
მოლაპარაკების ფსიქოლოგიის სწორად გამოყენება დაგეხმარებათ ცხოვრებაში სწორი ფასეულობების ჩამოყალიბებაში.
მოლაპარაკება ეფუძნება გულწრფელობასა და სამართლიანობას
წარმატებული მოლაპარაკების ერთადერთი შესაძლო გზა გულწრფელობა და სამართლიანობაა. იდეალურ სამყაროში ადამიანები სწორად იქცევიან, მხოლოდ იმიტომ, რომ ეს სწორი საქციელია, თუმცა, სინამდვილეში, მორალი ამაზე ბევრად რთული და კომპლექსურია.
მაგალითად, თუ გსურთ, რომ მომწოდებლებს თქვენს შეთავაზებაზე პოზიტიური რეაქცია ჰქონდეთ, უნდა დაანახოთ, რომ პატივს სცემთ მათ ცოდნას და მათ ღირებულებებს ყველაფერზე მაღლა აყენებთ. სამართლიანობა ყველა მოლაპარაკებაში სასიცოცხლოდ მნიშვნელოვანი კომპონენტია.
კარგად განიხილეთ პრეტენზიები და სირთულეები, სანამ პასუხისმგებლობას თქვენს თავზე აიღებთ. როდესაც დამკვეთი თქვენ სრულიად გენდობათ, ის თქვენს ქმედებებსაც ენდობა. ბიზნესში ფსიქოლოგიური ცოდნის გამოყენება, ყველა მომლაპარაკებელს ნდობით განაწყობს.
მოლაპარაკების ტექნიკა, რომელიც ღირებულებებს წარმოშობს
თქვენ მხოლოდ მაშინ ხართ წარმატებული, როცა ნამდვილად გესმით და იაზრებთ მომწოდებლის ინტერესებს. ამის მიღწევის ერთ-ერთი გზა არის რისკების შემცირება. სხვა სიტყვებით, თქვენ დარწმუნებული უნდა იყოთ, თქვენი პროდუქტის ან მომსახურების წარმატებაში.
აუცილებელია, ვიცოდეთ რა შეზღუდვები და მოთხოვნები აქვს მომწოდებელს, თუ გვსურს, რომ ამ თამაშში წინ გავიჭრათ.
გარიგების ძირითადი მოტივების ხაზგასმა
სტრატეგიული გეგმა ყოველთვის კარგი გამოსავალია ნებისმიერი მოლაპარაკების დროს. შიდა და გარე საქმიანი ურთიერთობების უზრუნველსაყოფად სწორი მოლაპარაკებების მეთოდების გამოყენება აუცილებელია, არამარტო განვითარებადი ლიდერებისათვის, არამედ გამოცდილი მენეჯერებისთვისაც.
საქმის გაადვილების მიზნით, შეგიძლიათ, უბრალოდ ფურცელზე ჩამოწეროთ მომწოდებლის მთავარი პრობლემები. პრიორიტეტების დალაგება ეფექტური ფსიქოლოგიური სტრატეგიაა მოლაპარაკების დროს.
განსაზღვრეთ მომწოდებლის პერსპექტივები
შესთავაზეთ მეორე მხარეს მისთვის სასარგებლო შეთავაზება, ისე, რომ არ უღალატოთ თქვენს თავდაპირველ პოზიციას. როდესაც ორივე მხარე კმაყოფილია, სასურველი შედეგის მიღების შანსიც იზრდება.
აკონტროლეთ სხეულის ენა
შენიღბვა იმისა, თუ რას ვფიქრობთ ან ვგრძნობთ, ძალიან რთულია, თუმცა მოლაპარაკების დროს ამას გადამწყვეტი მნიშვნელობა აქვს. თქვენი სხეულის ენა ჰარმონიაში უნდა იყოს იმასთან, რასაც საუბრობთ.
გამოიყენეთ სხეულის ენა, რათა მეორე მხარეს თქვენდამი გულწრფელობისა და სამართლიანობის გრძნობა გაუჩნდეს. თქვენი პოზა უნდა გამოხატავდეს თავდაჯერებულობას, თუმცა ფრთხილად იყავით, ეს დამამცირებელი ან დამცინავი არ გამოვიდეს.
მაგალითად, მკლავების გადაჯვარედინებას, მოხრას და ქვემოთ ყურებას შესაძლოა ნეგატიური გავლენა ჰქონდეს მოლაპარაკებაზე. ამის საპირისპიროდ, პარტნიორისთვის ხელის ჩამორთმევა, თვალებით კონტაქტი და გამართული პოზა დაგეხმარებათ წარმატებაში.
მოლაპარაკების დროს, სიტყვა „ვითარება“ „პრობლემით“ ჩაანაცვლეთ
თქვენს მიდგომას მოლაპარაკებასთან დაკავშირებით, ძალიან დიდი გავლენა აქვს წარმატების მიღწევაზე. როდესაც თქვენ გამოიმუშავებთ პერსონალურ მიდგომას მოლაპარაკების ხელმძღვანელობის თვალსაზრისით, გააკონტროლებთ ემოციებს და პოზიტიურად მომართავთ მათ, სწორედ მაშინ მიიღებთ სასურველს შედეგს.
სიტყვა „ვითარების“„პრობლემით“ ჩანაცვლებით, დადებით შედეგს მიიღებთ. რატომ? – იმიტომ, რომ მომწოდებელი ხედავს, რომ თქვენ პრობლემებზე და მათი გადაჭრის გზებზე ხართ ორიენტირებული.
რა არის ყველაზე მნიშვნელოვანი შესყიდვების მოლაპარაკებებში?
მოლაპარაკების კარგი უნარის ფლობის გარდა, აუცილებელია, წინასწარ იყოთ კარგად მომზადებული.
საქმე ისაა, რომ შეთანხმებას ვერ შეძლბეთ, თუ წინასწარ არ გაქვთ მზად პასუხები იმ კითხვებზე, რომლებსაც სავარაუდოდ, მეორე მხარე დასვამს. დადებითი შედეგის მისაღწევად, უნდა ეცადოთ, პროფესიულად მიუდგეთ მიმწოდებელს.
